"Челси" футбол клуби сардори Жон Терри жорий мавсум тугагач, клубни тарк этишини эълон қилди. Бу ҳақда Mirror нашри хабар бермоқда.
35 ёшли футболчининг клуб билан шартномаси мавсум охирида ўз ниҳоясига етади, бироқ клуб унга шартномани узайтиришни таклиф қилмасликка қарор қилди.
Терри бошқа инглиз клубига ўтишни истамаётгани, бироқ ўйнашда давом этишини айтди. Футболчи айнан қаерда ўз фаолиятини давом эттирмоқчи эканлигини айтмади.
Терри 1995 йилдан бери "Челси" ҳисобида туради, асосий таркибда эса илк бор 1998 йилда майдонга тушган. Футболчи шу кунгача "Челси" сафида 664 та ўйин ўтказиб, 63 та гол урган.
