"Манчестер Сити" бош мураббийи Мануэль Пеллегрини янги мавсумда бошлаб "Челси"ни бошқариши мумкин, дея хабар беради Daily Express.
"Шаҳарликлар" душанба куни чилилик мутахассиснинг мавсум якунида жамоани тарк этиши ва унинг ўрнига Хосеп Гвардиола келишини эълон қилдилар. Пеллегрини эса бу билан Европадаги фаолиятини тугатмоқчи эмас.
Манбада келтирилишича, "Челси" 63 ёшли мутахассисга таклиф билдиришга тайёрланяпти. Ҳозирча лондонликларни Гус Хиддинк бошқариб турибди. Аммо "Челси" хўжайини Роман Абрамович уни ундан мавсум охиригача фойдаланмоқчи, холос.
