“Локомотив” ўринбосарларини бошқараётган мураббийлар штабида ўзгариш рўй берди. Шу пайтга қадар ёш “темирйўлчилар”ни бошқариб келган Руслан Аҳмедхонов “Олмалиқ” футбол клубига ишга ўтгани туфайли бундан буён Вазген Манасян ёшларимиз ўйини ва натижасига жавоб беради.
Маълумки, Вазген Игнатьевич 2011 йилда ҳам “Локомотив”ни бошқариб, жамоамизнинг биринчи лигадан олий лигага йўл олишида ўзининг муносиб ҳиссасини қўшганди. “Локомотив” футбол клуби Руслан Аҳмедхоновга ўзаро ҳамкорлик учун миннатдорчилик билдиради ҳамда янги мураббий Вазген Манасяннинг ишларига муваффақият тилайди.
Суратга изоҳ: Вазген Манасян (ўнгдан биринчи) “Локомотив” ПФК Бош директори Зокир Сеидуллаев ҳамда “Локомотив” ПФК спорт директори Равшан Муқимов билан.
