"Ливерпуль" ва "Атлетико" клубларининг собиқ футболчиси Макси Родригес "Берселона" ҳужумчиси Лионель Мессининг Аргентина терма жамоасида ўйнашига қарши бўлмоқда.

"Месси футболчидан кўра инсон сифатида яхшироқ. Унинг оддийлиги ва камтаринлиги майдондаги юлдузлигидан кўра кўпроқ аҳамиятга эга. У кимлигини ўзи ҳам билмайди, бу ажойиб. Дунёнинг энг зўр ўйинчиси бўлиб туриш осонмас, у буни ҳар йили уддалаяпти.

Бир муаммо туғилмоқда: Месси нишонга айланиб қоляпти. Аргентинада унинг ўйинларидан завқ олиш ўрнига, уни бошқалар билан солиштиришмоқда. У жаҳон чемпионатини ютмади? Бу ерда бироз омад керак. У мундиалда ғолиб чиқишни бошқалардан кўпроқ истайди. Аргентина термасида ўйнар экан, танқидлар унга азоб беряпти. Яхшиси Лео Аргентина терма жамоасида ўйнамагани маъқул эди, аммо у ватани учун ўйнайверади", - дейди Родригес.