"Барселона" бош мураббийи Луис Энрике Испания кубоги яримфиналида "Валенсия" устидан қозонилган йирик ҳисобдаги ғалабадан сўнг (7:0) фикрларини билдирди.
"Ишончли ўйин намойиш этган жамоамни кўргандан сўнг уларни табриклашим керак ва ўйинчиларим жуда яхши эканликларини таъкидлашим лозим. Бизнинг мақсадимиз муҳим - совринларни қўлга киритиш, иложи бўлса мухлисларга завқ улашадиган чиройли футбол билан.
Албатта, ишлашимиз лозим бўлган тарафларимиз бор. "Валенсия"га келсак, у қийин даврни бошдан кечирмоқда. Менга рақибларнинг "Валенсия" аҳволига тушишларини кўриш ёқмайди. Бу ёқимсиз", - дейди Луис Энрике.
