Миллий терма жамоамиз аъзоси саналувчи маҳоратли ярим ҳимоячи Шоҳруҳ Гадоев Баҳрайннинг етакчи жамоаларидан бири – “Муҳаррақ” сафида тўп сураётганидан хабарингиз бор.

Мазкур клуб ўртоқлик учрашуви ўтказди. “Иса Таун” клубига қарши кечган баҳсда “Муҳаррақ” ўзининг рақибдан устун эканини намойиш эта олди ва 3 та тўп фарқи билан ғалаба қозонди. Учрашувда захирадан ўйинга қўшилган ҳамюртимиз ўйин давомида ўзининг фаоллиги билан ажралиб турди ва “Муҳаррақ”нинг ташкил этилган ҳужумларида жонбозлик кўрсатди.

Диққатга сазовор жиҳати шундаки, Шоҳруҳ бу сафарги ўйинда 5-рақамли либосда майдонда ҳаракат қилди.

Таъкидлаб ўтамиз, Шоҳруҳ Гадоев шанба куни Баҳрайн Қирол Кубоги доирасида кечган “Ал Муҳаррақ” – “Ал Манама” жамоалари тўқнашувида ўзининг мазкур клубдаги дебют ўйинини ўтказган эди. Ўшанда у 24-рақамда ўйнаганди.