Хабар берганимиздек, бугундан Қатар Юлдузлар Лигасида 17-тур учрашувларига старт берилди.
Кун доирасидан ўрин олган қизиқарли баҳслардан бирида ҳамюртимиз Сардор Рашидов ҳаракат қилаётган “Ал Жаиш” клуби “Ал Хараитият”ни қабул қилди. “Ҳарбийлар” клуби ташаббуси остида кечган ўйинда “Жаиш” ўз устунлигини ҳисобда ҳам акс эттира олди ва якунда 3:0 ҳисобида ғалабага эришди.
“Ал Жаиш” – “Ал Хараитият” 3:0
Голлар: Матнани, Вагнер Рибейро, М. Ҳасан.
Ўзбекистон терма жамоаси аъзоси Сардор Рашидов ўйинни илк дақиқалардан майдонда бошлади ва 68 дақиқа давомида тўп тепди. Сўнг у ўрнини жамоадоши Абубакр Иссага бўшатиб берди.
Таъкидлаш жоиз, яна бир ўзбекистонлик футболчи Санжар Турсунов тўп сураётган “Умм Салал” жамоаси эса эртага “Қатар СК” қаршилгини енгишга ҳаракат қилиб кўради.
