«Реал» жамоа бош мураббийи Зинедин Зидан билан янги шартнома имзолади. Бу ҳақда Marca нашри хабар тарқатган.
Унинг аввалги иш жойи бўлган, «Реал»нинг ўринбосарлари жамоаси «Кастилья»даги шартномаси 2018 йилга қадар тузилганди. Энди бу шартнома муддати узайтирилган ва тўланадиган маош миқдори оширилган.
Қайд этилишича, бу борада музокаралар ўтказишга вақт сарфлаб ўтирилмаган, Зидан биринчи таклифгаёқ розилик билдирган. 43 ёшли бу мутахассиснинг айнан қанча миқдорда маош олишига аниқлик киритилмаган.
Эслатиб ўтамиз, Зидан шу йилнинг 4 январида Рафаэль Бенитес ишдан бўшатилгач, мадридликлар жамоаси бош мураббийига айланган, ўшанда мавсум охиригача жамоани бошқариб туриши айтилганди.
