Украинанинг "Шахтёр" жамоаси ўзининг етакчи футболчиларидан бири, бразилиялик Алекс Тейшейра Хитойнинг "Цзянсу Сайнти" жамоасига трансфер қилингани ҳақида расман хабар берди.
Бундан олдинроқ ОАВла 26 ёшли бу футболчи қишки трансферлар учун рекорд даражадаги 50 млн евро эвазига Хитой жамоасига ўтгани хабар қилинганди.
Кўп ўтмасдан, унинг янги жамоасидаги маоши миқдори ҳақида ҳам норасмий манбаларда хабар қилинди - йилига 10 млн евро.
Қайд этиш керакки, унинг хизматларига Англиянинг "Челси" ва "Ливерпуль" жамоаларидан таклиф бўлган, аммо футболчи Хитой чемпионатини танлаган.
Бир неча кун олдин ҳам, "Атлетико" ҳужумчиси Жексон Мартинес 42 млн евро эвазига Хитойнинг "Гуанчжоу" жамоасига ўтиш орқали қишки трансферлардаги биринчи рекордни қайд этганди.
