Африка футбол конфедерацияси ФИФА президентлиги учун сайловда ОФК раҳбари, қатарлик шайх Салмон Иброҳим Ал-Халифа номзодини қўллаб-қувватлаши ҳақида маълум қилди.
ФИФА президентлигига шайх Салмондан ташқари ЖАРнинг собиқ турар-жой қурилиши вазири Токио Сексвале, ФИФА бош котибининг собиқ ўринбосари Жером Шампань (Франция), Европа футбол ассоциацияси кенгаши (УЕФА) бош котиби Жанни Инфантино ва Иордания шаҳзодаси Али бин ал-Ҳусайн ҳам ўз номзодини илгари сурган. ФИФА президенти тўрт йил муддатга сайланади.
Амалдаги президент Йозеф Блаттер 2015 йилнинг 29 майида ташкилот конгрессида навбатдаги муддатга қайта сайланган эди. Бироқ орадан тўрт кун ўтгач, ташкилотда коррупция билан боғлиқ жиноятлар амалга оширилгани бўйича терговлар бошланди ва у истеъфога чиқиш ҳақида эълон қилди.
Муддатидан олдинги президентлик сайлови 26 февраль куни бўлиб ўтади.
