Лондоннинг "Арсенал" жамоаси 3та ўйинга чўзилган гол ура олмаслик ва 4та ўйиндан бери давом этиб келаётган ғалабасиз ўйинлар сериясига чек қўйди ва ўз ҳисобига 3 очкони ёзиб қўйди.
"Борнмут"га қарши ўйин юқори темпда ўтмади. Учрашув тақдири 23 ва 24-дақиқаларда урилган голлар эвазига ҳал бўлди. Месут Ўзил ва Алекс Окслейд-Чемберлен ўз голлари билан "Арсенал"нинг ғалабаси ҳисса қўшишди.
Ушбу ғалабадан кейин Арсен Венгер шогирдлари ўз очколарини 48тага етказишди. "Канонирлар" "Манчестер Сити"ни қувиб ўтиб, очколар бўйича "Тоттенхэм"га тенглашиб олди. Бу жамоалар "Лестер"дан 5 очко ортда қолишмоқда.
Англия Премьер-лигаси, 25-тур
Борнмут – Арсенал 0:2 (0:2, 0:0)
Голлар: 0:1 – 23 Ўзил, 0:2 – 24 Окслейд-Чемберлен.
Борнмут – Боруц, Фрэнсис, Дэниэлс, Смит, Кук, Гослинг (Кинг, 66), Серман, Артер, Ритчи (Станислас, 66), Пью, Афобе (Грэббен, 77).
Арсенал – Чех, Габриэл, Монреаль, Бельерин, Косьельни, Фламини, Рэмзи, Ўзил, Окслейд-Чемберлен (Коклен, 67), Санчес (Гиббс, 82), Жиру (Уолкотт, 90).
Огоҳлантириш: Фламини (9).