«Гранада» бош мураббий Хосе Рамон Сандоваль Испания чемпионатининг 23-тури доирасида «Реал»га қарши ўйин (1:2) борасида ўз фикрларини билдириб ўтди.
«Реал»га қарши иккита ўйинда биз қўлдан келган барча ишни қилдик. Фақат очко қўлга кирита олмадик. Мухлислар ким қандай ўйнаганини яхши билашади ва улар яхши ўйнаган футболчиларга олқишлар ёғдиришди.
«Реал»га қарши ўйинда яна нима талаб қилиш мумкин? Улар етакчилардан ортда қолган ҳолда бизга ташриф буюришди. Биз эса уларга муаммо яратдик.
Биз жарима майдончаси ташқарисидан урилган гол эвазига ютқаздик. Биз биргина ақлли футболчи туфайли мағлуб бўлдик. «Реал» худди ғалабага муносиб ўйнамагандек ҳиссиёт билан кетди. Дуранг адолатли натижа бўларди», – дейди Сандоваль.