Мадриднинг «Реал» клуби ҳужумчиси Криштиану Роналду Испания футбол лигасидаги энг яхши тўпурарга бериладиган Пичичи соврини билан тақдирланди, деб хабар қилади «Корреспондент.net».
«Мен бу совринни ‘Реал Мадрид’ жамоасининг барча ходимларига, мен билан ҳар куни ишлайдиган кишиларга ва шерикларимга бағишлайман. Мен учун бу дунёдаги энг яхши лига ва бу ерда туриб, ўз изимни қолдириш мен учун катта шараф», — деди Роналду.
Шуни қайд этиш жоизки, мукофот Бильбаонинг «Атлетик» клуби футболчиси Пичичи лақаби билан машҳур Рафаэль Морено Арансади шарафига номланган ва уни Испаниянинг Marca газетаси топширади.
Роналду Испания Примерасининг 2014/15 йилги мавсумида жами 48 та гол киритди. Унинг қўлга киритган Пичичи совринлари сони учтага етди.
