Биринчи Лига жамоалари ҳам аста-секин янги мавсумга тайёргарликни бошламоқдалар.
Ўтган мавсумда яхши таассурот қолдирган "Хоразм" жамоаси ҳам ўзининг дастлабки йиғинини бошлади. Хоразмликлар 20 январдан машғулотларни бошлашди. Аввалги мавсумда жамоани бошқарган Вали Султонов ўз лавозимидан истеъфога чиқарилди.
Энди унинг вазифасини Умид Тожимов бажарадиган бўлди. Янги бош мураббий қўл остида асосан маҳаллий ёшлар машғулот олиб боряптилар.
Жамоа эртадан бошланадиган "Ҳоким кубоги" баҳсларида қатнашишни мақсад қилган. Бу орқали улар жамоа ўйинини шакллантиришга ҳаракат қиладилар.
