2013 йилдан буён Ғузор ҳокимлиги ташаббуси билан аҳоли ўртасида соғлом турмуш тарзини камол топтириш, оммавий футболни ривожлантириш, ёшлар ва кексаларни янада спортга жалб қилиш мақсадида  аънанавий тарзда ўтказилиб келинаётган мини футбол буйича “Ассалом футбол шоу ” мусобақаси старт олди.

Ҳар йилгидек режасига асосан мусобақа уч қисмга бўлинган ҳолда ўтказилиш режалаштирилган,

Дастлаб,  ушбу ойда маҳалла фуқоролар йиғини ва қишлоқ фуқоролар йиғинлари томонидан ташкил этилган 40та жамоалари ўртасида  саралаш  ўтказилади.

Март ойида эса коллеж ўқувчи-ёшлари ўртасида, апрел ойида эса умумтаълим мактаб ўқувчилари ўртасида бўлиб ўтади.

Кеча тумандаги транспорт касб-хунар коллежи спорт залида учрашувларга старт берилди. Мусобақа низомига кўра, 30 ёшдан юқори бўлган  ҳаваскор спортчилардан ташкил топган 10 та  жамоа қуъра ташлаш йўли билан баҳсларга киришди.

Плей-офф тарзда ўтказилган қизиқарли мусобақада, юқори натижага эришган икки жамоа – “Шерали” Қ.Ф.Й ва “Янгикент” М.Ф.Й.лар кейинги босқичга йўл олишди.

Фахриддин ЧОРИЕВ.