“Нефтчи” ПФКнинг истиқболли режаси таркибига кирувчи яна бир йирик лойиҳа амалга ошаётганини мамнуният билан хабар қиламиз. Яқиндаги “Нефтчи” футбол мактаби ихтиёрига топширилган, замонавий ҳамда жаҳон стандартларга тўлиқ жавоб берадиган янги футбол мактаби тез кунларда “Нефтчи” академияси мақоми остида ўз фаолиятини бошлайди. Айни пайтда академияни ташкил этиш борасида якуний ишлар олиб борилмоқда ва ушбу даргоҳ яқин кунлар ичида ўз ишини бошлайди. Фарғона – иқтидорлар диёри. Шундай экан бундан буёғига “Нефтчи” футбол клубига вилоятдан иқтидорли ижрочиларни етиштириб бериш жараёнида ушбу академия мутасадди ва мураббийлари  хизмат қилишади.   Бўлажак “Нефтчи” академиясида футбол билан шуғулланиш учун барча шарт-шароитлар мавжуд. Академия Фарғона шаҳридаги “Истиқлол” стадионининг ҳудудида барпо этилган.