“Пахтакор” жамоаси билан 17 феврал куни блиб ўтадиган Суперкубок учрашувига жиддий тайёргарлик билан келаяпмиз. Шуни алоҳида қайд этмоқчиманки, бу йилги мавсум биз учун ниҳоятда маъсулиятли, яъни Ўзбекистон Суперкубоки финал учрашувини қўшиб ҳисоблаганда тўртта фронта кураш олиб борамиз.

Имкониятларни чамалайдиган бўлсак, бу борадаги кўрсаткичларимиз “Пахтакор” жамоаси билан бир хилда деб, ҳисоблайман. Яъни элликка – эллик дейиш мумкин. Чунки рақибимиз билан селекция борасида олиб борган ишларимиз деярли бир хил. Ушбу учрашувда эса кучлиларнинг кучлиси ғалаба қозонади деб, ўйлайман. Бироқ биз ҳам “Пахтакор” жамоаси сингари совринларимизни кўпайтирсак ёмон бўлмайди.

Учрашувнинг Тошкент шаҳрида ўтказилиши биз учун ҳеч қандай қийинчилик туғдирмайди, қолаверса биз учрашувда номинал мезбон ҳисобланамиз. Муҳташам “Бунёдкор” стадиони икки жамоа учун ҳам бетараф майдон бўлади. Аммо биз доимгидек “Насаф”нинг жонкуяр мухлисларидан мадад кутиб қоламиз.

Суҳбатни Хусан Темиров олиб борди.