"Локомотив" жамоаси ярим ҳимоячиси Дмитрий Тарасовнинг Европа Лигаси 1/16 финали босқичида Туркиянинг Истанбул шаҳрида "Фенербаҳче" жамоасига қарши кечган учрашувдан (0:2) кейин амалга оширган ҳаракати жамоа учун қимматга тушиши мумкин.
Associated Press нашрининг ёзишича, Тарасов ўйиндан кейин майдонга қайтиб, туркиялик мухлисларга ички майкасидаги Путин суратини кўрсатиш орқали мухлисларга ҳурматсизлик қилган. Манбанинг қайд этишича, УЕФА ўз тасарруфидаги ўйинлар вақтида ҳар қандай сиёсий акциялар ўтказишни тақиқлаган. Тарасовнинг ҳаракати ҳам шу йўсинда баҳоланиб, москваликлар жамоаси жазоланиши мумкинлиги айтилмоқда.
