Ҳозиргина футзал бўйича Осиё чемпионатининг чорак финал учрашуви якунланди. Унда Ўзбекистон ва Ироқ футзалчилари ўзаро беллашишди. Қизиқарли кечган баҳсда 3:0 ҳисобида терма жамоамиз ғалаба қозонди.

Учрашувдан сўнг ташкил этиган матбуот анжуманининг биринчи қисмида ироқликлар устози Ҳайтам Аббос ўйин борасида ўз фикрларини билдириб ўтди.  

— Мен битта нарса айта оламан. Футзалда сен урмасанг ёки имкониятлардан унумли фойдалана олмасанг, сенга уришади. Бор гап шу, — дея сўз бошлади ироқликлар устози.

Ўзбекистонлик мухлислар бизнинг ўйинга таъсир ўтказишмади. Дастлабки бўлимда бир қатор вазиятларни амалга оширдик. Афсуски, бизга омад кулиб боқмади.

— Сизнинг терма жамоангизга совуққонлик етишмадими ёки Ўзбекистон дарвозабони яхши ўйин кўрсатдими?
— Тан олиш керак дарвозабон яхши ўйнади, аммо бизнинг футболчилар вазиятлардан унумли фойдаланишмади. Аввалроқ айтганимдек, бизга омад етишмади.

— Терма жамоангиз жуда асабий ўйнади. Бунинг сабаби нима?
— Бу асабийлашиш эмас. Шунчаки, улар бир-бирларига далда бериб туришди.

— Ироқ терма жамоаси Эрон ва Ўзбекистонга қарши ўйнади. Нима деб ўйлайсиз, ким чемпионликка кўпроқ муносиб?
— Эрон (иккиланмай жавоб берди)

— Эртага Австралия термаси билан ўйнайсизлар. Улар ҳақида нима деб ўйлайсиз?
— Бугунги мағлубият тарихда қолди. Эртага ғалаба қозонишга ҳаракат қиламиз. Мақсадимиз ЖЧга чиқиш.