23 февраль куни Тошкентнинг “Бунёдкор” жамоаси Осиё Чемпионлар лигаси гуруҳ босқичидаги иштирокини бошлайди.

“Қалдирғочлар” мусобақанинг 1-турини Саудия Арабистонининг амалдаги чемпиони “Ал-Наср” клубига қарши меҳмонда ўтказишади.

Осиё футбол конфедерацияси “Ал-Наср” - “Бунёдкор” учрашувида хизмат қилувчи ҳакамлар гуруҳини эълон қилди. Унга кўра, баҳсни Ко Хюнг Жин бошчилигидаги Жанубий Кореядан бўлган ҳакамлар гуруҳи бошқариб боради.

Қайд этиш керакки, Ко Хюнг Жин бунгача фаолияти мобайнида “қалдирғочлар” иштирокидаги битта учрашувда хизмат қилган. Аниқроғи, 2014 йилги Осиё Чемпионлар лигаси гуруҳ босқичи доирасидаги “Бунёдкор” - “Ал-Фатеҳ” 3:2 (Саудия Арабистони) баҳсини айнан ушбу рефери бошқариб борган.

Осиё Чемпионлар лигаси-2016
23 февраль, сешанба
Ар-Риёд. “Қирол Фаҳд” стадиони. Соат 22:15 (Тошкент вақти)
“Ал-НАСР” (Саудия Арабистони) - “БУНЁДКОР” (Ўзбекистон)
Рефери: Ко Хюнг Жин
Рефери ассистенти 1: Банг Ги Ёл
Рефери ассистенти 2: Парк Санг Жун (учаласи - Жанубий Корея)
Тўртинчи ҳакам: Рован Арумуғон (Хиндистон)
Ҳакамлар эксперти: Жасим Муҳаммад Маҳмуд Абдулкарим (Баҳрайн)
Учрашув комиссари: Анварул Ҳуқ (Бангладеш)