“Бунёдкор”нинг Осиё Чемпионлар лигаси 1-туридаги рақиби Саудия Арабистонининг “Ан-Наср” клубига янги бош мураббий тайинланди.

Хабарингиз бор, кетма-кет омадсизликлардан сўнг “Ан-Наср” бош мураббийи бўлиб ишлаб келган италиялик Фабио Каннаваро истеъфога чиқарилганди. Шундан сўнг бош мураббийлик вазифаси вақтинча колумбиялик собиқ машҳур дарвозабон Рене Игитага топширилди. Бу мутахассис бошчилигида “Ал-Наср” Жидданинг “Ан-Аҳли” клуби билан 1:1 ҳисобидаги дуранг натижа қайд этди.

18 февраль куни “Ал-Наср” клуби жамоанинг янги устозини эълон қилди. Бунгача “Дорадос де Синалоа” (Мексика), “Реал Сосьедад” (Испания), “Альмерия” (Испания), “Ал-Иттиҳод” (Саудия Арабистони) клубларида фаолият юритган испаниялик мутахассис Рауль Канеда “Ал-Наср”ни мавсум охиригача бошқариб борадиган бўлди.

Таъкидлаш жоизки, Канеда учун “Ан-Наср” бегона эмас. У бундан аввал 2014 йилнинг 2 майидан 31 октябрь санасигача ушбу жамоада фаолият юритган.