Италиянинг «Ювентус» жамоасининг франциялик ярим ҳимоячиси Поль Погба ўзининг испаниялик мутахассис Хосеп Гвардиола билан бирга ишлаш истаги ҳақида айтиб ўтди.

«Гвардиолада улкан тажриба ва футболга ўзига хос қарашлар мавжуд. У шундай мураббийки, қаерда ишласа ҳам футболчиларида ўзига нисбатан ҳурмат уйғота олади.

У ҳамиша қойил қолдириш ва сизга ниманидир ўргатиш билан банд бўлади. У замонавий футбол учун намуна. Эшитишим бўйича, у ўзи ишлаган жамоанинг ҳар бир футболчисига алоҳида муносабат билан ёндашади.

Мен айни вақтда «Ювентус» аъзосиман, лекин келажакда у билан бирга ишлашни истайман», дейди Погба.

Эслатиб ўтамиз, айни вақтда «Бавария»ни бошқариб турган Гвардиола мавсум якунида «Манчестер Сити»да иш бошлайди.