Футзал бўйича Осиё чемпионатининг биринчи ярим финал учрашувидан кейин терма жамоамиз мураббийи Хосе Мария Мендез учрашув таассуротлари билан ўртоқлашди.
 
– Бугун бироз босимдан қутилгандик. Бугун мусобақадаги энг яхши ўйнимизни кўрсайтдик. Ҳужумдаги ишларимиз ҳам бироз ўсгандек, лекин барибир кичик хатолар кўриниб турди. Мухлисларнинг шунчалик қўллаб-қувватлаши, албатта, ғалабамизга ёрдам берди. Умуман, иккала жамоалар зўр ўйнади. Айрим вазиятларда терма жамоалардан омад юз ўгирди.

– Ҳужумда камчиликлар бор деябсиз, агар Эрон тушиб қолса, нима қиласизлар?
– Аввал Эрон финалга чиқиб олсин. Финалда кимга дуч келишиздан қатъи назар ўйиндан лаззат олиб ўйнашга ҳаракат қиламиз. Чорак финалгача бўлган босимдан фориғ бўлдик. Бугунгига ўхшаб ўйнасак, финалда рақиб ҳужумчиларига муаммолар туғдирамиз.

– Плей-офф босқичида жамоангиз эркинроқ ўйнадими?
– Ҳа, бугун айниқса, бемалол ўйнадик. Ҳақиқий ўйинимизга яқин ўйнадик. Бугунги ўйинда ўйновчи дарвозабонни ўйинга ташлаб, хатолар тўғриланди. Лекин хатоларни тўғрилаш ҳар ўйинда ҳам учрамайди.

– Феруз Фаҳриддинов ва Клим Тюгаев бугун майдонга тушишмади. Лекин улар пенальтилар сериясида қаҳрамон бўлишди. Бу олдиндан ўйланганмиди?
– Ўйиндан аввал кимнинг руҳий тайёргарлиги яхшилигини болаларнинг ўзлари айтишди. Захирадаги посбонимиз аввалдан бунга тайёрланган эди. Дастлаб пенальтини Чориев тепиши керак эди. Лекин Фируз ёрдамчига у ҳар томондан тайёр эканини айтди.