«Барселона» ярим ҳимоячиси Иван Ракитич жамоа ҳужумчилари — Лионель Месси, Неймар ва Луис Суарес ҳақида ўз фикрларини билдириб ўтди.

«Турли характерларга қарамай, улар майдонда бир-бирларини ажойиб тарзда тўлдиришади. Эҳтимол ошириб юбораётгандирман, аммо Месси, Неймар ва Суарес – энг яхши дўстлар. Балки, футбол тарихидаги энг яхши дўстлар бўлса керак.

Луис Энрике? Унга қойил қолиш керак. У барча нарсани таҳлил қилади, ҳеч қачон ҳеч нарсани тақдирга ҳукмига қолдирмайди. У нима хоҳлаётганини футболчига аниқ етказиб бера олади. У нима истаётганини билади ва ўз режаларини футболчиларга тушунтириб бера олади. У ўйинчилар билан кўп суҳбатлашади», – дейди Ракитич.