"Манчестер Юнайтед” жамоаси сардори Уэйн Руни “қизил иблислар” сафини тарк этиш истаги йўқлигини айтиб ўтди.
The Sun нашрининг хабар қилишича, 30 ёшли ҳужумчи ушбу ҳафтада икки Хитой клубидан таклиф олган ва уларни рад этган. Англиялик тажрибали футболчи 2004 йилдан буён манкунианликлар шарафини ҳимоя қилиб келмоқда.
Аввалроқ, “Шанхай Шеньхуа” Рунининг трансфери учун 27 миллион фунт стерлигдан воз кечишга тайёрлиги хабар қилинганди. Ҳужумчининг ўзига эса Хитой клуби ҳафтасига 500 минг фунт маош тўлашга тайёр.
