"Камолот" ЁИҲда Равшан Эрматов билан суҳбат бўлиб ўтди. 

Савол: Спортни танламаганингизда қайси касб эгаси бўлар эдингиз?

—Тўғрисини айтсам 7 ёшимдан буён спорт оламидаман. Бошқа касбни умуман тасаввур қила олмайман. Тақдир тақазосига кўра спорт соҳасини танламаганимда ҳам бошқа йўналишда фидоий, адолатли, масъулиятли ходим бўлардим.

Савол: Иш фаолиятингиздан ташқари фарзандларингизга қай даражада вақт ажрата оласиз?

—Имкон қадар оилада оталик бурчимни адо этишга ҳаракат қиламан. Ўзимизни ўзлигимизни, асраб келинаётган қадриятларимизни, қадимий меросимизни фарзандларимга ўргатишга ўзимни оталик вазифам деб ҳисоблайман ва шунга ҳаракат қиламан. Менимча фарзандларимга меҳрибон отаман.