"Барселона" ҳужумчиси Лионель Месси кеча тунда бўлиб ўтган ЕЧЛ-2016 1/8 финали доирасида "Арсенал"га қарши учрашувда илк марта Петр Чех дарвозасига гол урди. Якунда эса каталонияликлар 2:0 ҳисобида зафар қучиб, бир оёғи билан кейинги босқичда турибди.
– Бу жамоа кучли эди, аммо биз ажойиб ўйин намойиш қилдик. Биринчи бўлимда "Арсенал" ҳимояда бизга анча қаршилик қилди, бироқ танаффусдан сўнг улар бу темпни ушлаб тура олмаслигини билардик. Албатта, натижа сафардаги учрашув учун яхши. Олдинда эса яна битта баҳс бизни кутиб турибди, – дейди Месси Sky Sportsга.
