Осиё Чемпионлар Лигаси гуруҳ босқич илк тур ўйинлари доирасидаТошкентнинг "Пахтакор" ҳамда Саудия Арабистонининг "Ал Ҳилол" клублари ўртасида кечган учрашувдан сўнг ҳар икки жамоа устозлари иштирокида матбуот анжумани ташкил этилди.
Анжуманнинг иккинчи қисмида “шерлар” бош мураббийи Нўъмон Ҳасанов қатнашди.
- Бугун биз жуда кучли жамоага қарши ўйнадик. Ғалаба учун йигитлар астойдил тер тўкишди. Бунинг учун улардан миннатдорман. Аммо ўйин давомида бир қатор хатоларга ҳам йўл қўйилди. Уларга ҳам кўз юмиб кетса бўлмайди. Биз жавоб ўйинига қадар шу хатоларни тузатишга уринамиз.
Бундан айниқса, рақиб ҳужум чизиғининг анча кучли эканига ҳам алоҳида эътибор берамиз. Чунки бугун улар оддий вазиятлардан гол уриб кетишди.
Азим Аҳмедов – яхши футболчи. У иккинчи қаватдаги курашларда деярли ютқазмади. Лекин биринчи қаватда у бир нечта хатога йўл қўйди. Аммо секин-аста жамоа ўйинига мослашгач, унинг бундай камчиликлари йўқ бўлиб кетишига ишонаман.
Агар биринчи голни рақиб эмас, балки биз урганимизда ўйин умуман бошқача кечарди. Ўзим собиқ футболчи сифатида айтишим мумкинки, ҳисобни тенглаштириш жуда мушкул иш ва бу футболчилардан жуда катта куч талаб этади. Шу сабабдан ҳам йигитлардан миннатдорман, - дейди Нўъмон Ҳасанов.
