“Локомотив” футболчилари “Ал-Иттиход” билан ўйиндан кейинги илк машғулотда иштирок этишди.

Андрей Микляев беллашувни бошланғич таркибда ўтказган 10 нафар футболчи билан тикланиш машқларини ўтказди. Бунда улар ортиқча зўриқишлардан ҳалос этилишди. Қолган футболчилардан фарқи ўлароқ улар тренажор залида машғулотни давом эттиришди.

Мирко Йеличич эса кечаги ўйинда заҳирадан майдонга тушган уч нафар футболчи ҳамда қолган йигитлар билан шуғулланди. Фақатгина Икром Алибоев якка ҳолда югурди ва мураббийлар кўрсатмасига кўра чигалёзди машқларини бажарди. Тез орада у умумий гуруҳга қўшилади.

“Локомотив”нинг навбатдаги ўйини баҳорнинг биринчи кунига тўғри келади ва унда “темирйўлчилар” Жиддада “Ал-Иттиход” меҳмони бўлишади. Ўйин Тошкент вақти билан 22:40 да бошланади.