Ҳамюртимиз Егор Кримец фаолиятини давом эттираётган Хитойнинг “Бейжинг Гуоан” клуби Дубайда йиғин ўтказаётгани ҳақида хабар берган эдик.

Пекинликлар мазкур йиғин мобайнида синов-назорат баҳсида майдонга тушишга ҳам алоҳида эътибор қаратишмоқда. Кеча “Бейжинг Гуоан” навбатдаги ўртоқлик ўйинида майдонга чиқди. Рақиб эса БААнинг “Ажман” жамоаси бўлди. “Гуоан”нинг тўлиқ устунлиги остида ўтган матчда жами 8 та гол киритилди. Диққатга сазовор жиҳати шундаки, голларнинг барчаси араб клуби дарвозасидан ўрин олди. Ҳамюртимиз Егор Кримец учрашувда тўлиқ ўйнади.

Таъкидлаб ўтамиз, “Бейжинг Гуоан” олдинги ўртоқлик ўйинини Тошкентнинг “Обод” жамоасига қарши ўтказиб, 1:1 ҳисобида дуранг ўйнаганди.