Кечадан жамоамиз “Обод” билан бўлиб ўтадиган ўйинга тайёргарликни бошлаб юборди. Қўқонда йиғилган футболчилар кеча бир маҳал машғулот билан чекланишди. Бугундан машғулотлар икки маҳалга кучади. Футболчиларимиз Данғара туманидаги стадионда шуғулланишмоқда. Бунинг сабаби “Марказий” ўйингоҳ айни дамда мавсумга тайёрланяпти.
Олдин хабар бериб ўтганимиздек, Олий лига биринчи тури олдидан вакилларимиз назорат учрашувини ўтказишни режалаштиришганди. 28 февраль куни “Қўқон-1912” жамоаси икки таркиб билан иккита назорат учрашувида иштирок этади.
Шу куни асосий таркиб вакиллари Наманганда “Навбаҳор”га қарши майдонга тушишса, иккинчи таркиб Фарғона вилояти чемпиони ва кубоги соҳиби “ФарДУ-Футбол инфо” билан ўйнайди. Бу учрашув Данғара туманидаги стадионда бўлиб ўтади.
