Бугун, 26 февраль куни Швейцариянинг Цюрих шаҳрида ФИФАнинг навбатдан ташқари конгресси ўтказилмоқда. Конгресс қатнашчилари бўлган 207 федерация ташкилотнинг янги президентини сайлашади.
Биринчи турдаёқ президент этиб сайланиш учун, номзодлардан бири умумий овозларнинг 2/3 қисмига эга бўлиши талаб этиларди. Биринчи раунд натижаларига кўра шаҳзода Али - 27 овоз, шайх Салмон - 85 овоз, Жером Шампань - 7 овоз, Жанни Инфантино эса 88 овоз олди.
Биринчи турда ғолиб аниқланмагач, кейинги турлар ўтказилиши белгиланганди. Унга кўра номзодлар 50 фоиздан кўпроқ овоз тўплашига тўғри келади.
Агар турлар 2 ёки ундан ортиқ бўлса сўнгги ўринни олган номзод сайлов маросимининг кейинги раундида иштирок этмайди. Овоз бериш яширин тарзда бўлиб ўтмоқда. Ғолиб 4 йил муддат давомида ташкилотга президентлик қилади.
