ФИФАнинг янги президенти номи аниқланди. Шу пайтгача УЕФА бош котиби лавозимида ишлаб келган Жанни Инфантино ФИФА президенти этиб сайланди.

Сайловнинг иккинчи босқичида унинг ҳисобида 115та овоз тўпланди. Бу босқичда овозларнинг 50 фоизидан кўпроғига (104та) эга бўлган номзод ғолибликни қўлга киритар эди. Инфантино ушбу маррани забт этди. ФИФА президентлиги учун асосий номзод ҳисобланган шайх Салмон бин Иброҳим ал-Халифа иккинчи турда 88та овоз тўплади. Шаҳзода Али бин Ҳуссайн 4та овоз тўплаган бўлса, Жером Шампанга бу сафар ҳеч ким овоз бермади.

Шу тариқа, Жанни Инфантино ФИФАни янги президенти этиб сайланди ва у 4 йил давомида ташкилотни бошқаради.

Сайлов натижалари:

1-босқич:
Шаҳзода Али бин ал-Ҳуссайн: 27 овоз
Шайх Салмон бин Иброҳим ал-Халифа: 85 овоз
Жером Шампань: 7 овоз
Жанни Инфантино: 88 овоз

2-босқич:
Шаҳзода Али бин ал-Ҳуссайн: 4 овоз
Шайх Салмон бин Иброҳим ал-Халифа: 88 овоз
Жером Шампань: 0 овоз
Жанни Инфантино: 115 овоз