Яқинда Саудия Арабистонининг “Ан-Насср” клубига испаниялик Рауль Канеда бош мураббий этиб тайинланганди.
Янги бош мураббий кеча “Ан-Насср” билан биринчи учрашувини ўтказди. Ар-Риёдликлар Саудия Арабистони чемпионатининг 18-турини ўз майдонларида “Ал-Ваҳда” клубига қарши ўтказишди. Учрашувнинг 58-дақиқасида Ҳасан Ал-Раҳеб томонидан киритилган гол мезбонларга ғалаба келтираётган эди. Бироқ 86-дақиқада “Ал-Ваҳда” футболчиси Муҳаммад Ал-Фарси жавоб тўпини киритиб, якуний натижа дуранг бўлишини таъминлади – 1:1.
Шу тариқа, “Ан-Насср” Тошкент сафари олдидан очколар жамғармасини биттага бойитди. Рауль Канеда шогирдлари 18 учрашувда 24 очко жамғаришган ҳолда мусобақа жадвалининг 7-поғонасида боришмоқда.
Саудия Арабистони чемпиони, 18-тур
26 февраль, жума
“АН-НАССР” – “АЛ-ВАҲДА” 1:1 (0:0)
“Ан-Насср” таркиби: 22.Абдуллоҳ Ал-Энази, 4.Омар Ҳавсави, 8.Яҳё Ал-Сеҳри, 10.Муҳаммад Ал-Саҳлави (15.Аҳмад Ал-Фрайди 81), 13.Муҳаммад Ал-Биши, 14.Иброҳим Ғолиб, 18.Габриель Маркиньос, 26.Шая Али-Шараҳли, 27.Аваз Фараж (16.Абдулазиз Ал-Жебрин 73), 28.Аҳмад Аққош, 99.Ҳасан Ал-Раҳеб (9.Наиф Ҳазази 67)