Хабарингиз бор, эртага Тошкентнинг “Бунёдкор” жамоаси ОЧЛ-2016 турнирининг гуруҳ босқичи иккинчи турида Саудия Арабистонининг “Ал Наср” жамоасини қабул қилади.

Бугун ҳар икки жамоа бош мураббийлари ва футболчилар ўртасида матбуот анжумани ташкил этилди.

Матбуот анжуманиннг биринчи қисмида меҳмонлар устози Рауль Канеда ва клуб аъзоси Ҳасан Ар-Рохид иштирок этди.

- Ҳаммага хайрли кун. Тошкентда ажойиб кун. Бу ерда эканлигимиздан хурсандмиз. "Бунёдкор"да янги авлод етишиб келмоқда. Бу жамоанинг келажаги порлоқ деб ўйлайман. Олдинги учрашувдаги дурангдан сўнг эртага биринчи уч очкони қўлга киритишимизга умид қиламан.

Эртанги ўйннда жамоада нима ўзгаришларни кўришииз мумкин?

- Футболчиларимнинг нима қодирлигини биламан. Бу жамоани ярим йилдан бери кузатиб келаман. Ўзгаришларга эса жамоадаги футболчиларга ишонч билдираман. Шу билан бирга "Бунёдкор"нинг ўсиб келаётган ёш авлодни имкониятини ҳам юқори баҳолайман.

Ҳасан Ар-Рохид: Биз бу ерга уч очко учун келганмиз. Биринчи ўйиндаги дуранг биз учун мағлубиятга тенг. Эртага ғалаба қозонишга ҳаракат қиламиз.

Эслатиб ўтамиз, бу жамоаларнинг биринчи тўқнашувида 3:3 ҳисобидаги жанговар дуранг қайд этилган эди. Бўлажак учрашув эса эртага, 1 март куни соат 18:00да “Бунёдкор” стадионида старт олади.