«Интер» президенти Эрик Тоҳир ва жамоа бош мураббийи Роберто Манчини мавсум сўнгида шартномани бекор қилиш борасида келишиб олишди, дея хабар тарқатди Tuttosport.
"Нерадзурри" мавсумни муваффақиятли бошлаганига қарамай, кейинчалик ўз мавқеини сусайтириб юборди. Натижада жамоа Европа лигасига бериладиган йўлланмани ҳам қўлдан чиқариш хавфи остида қолди. Шу билан биргаликда клуб раҳбарияти Манчинининг ёзги трансфер пайтида таркибни кучайтириш учун пул ажратиш ҳақидаги талабини қондирмоқчи эмас.
Манчини ҳозирда Италия терма жамоасини бошқариш учун асосий номзодлардан бири бўлиб турибди. Ушбу лавозим Евро-2016дан кейин бўшайди, боиси терма жамоа бош мураббийи Антонио Конте «Челси» билан дастлабки келишувга эришган.