Бугун Қарши шаҳридаги “Марказий” стадионда катта футбол байрами. ОЧЛ-2016 2-тур доирасидаги учрашувда “Насаф” жамоаси яна бир марта “Ал-Аҳли” билан куч синашади.
Кеча бўлиб ўтган ўйинолди матбуот анжуманида “аждарлар” бош мураббийи – Рўзиқул Бердиев таъкидлаганидек жамоа фақат ғалаба учун тайёргарлик кўрган. Ўз навбатида меҳмон жамоа мураббийи Кристиан Гросс ҳам бўлажак ўйин улар учун жуда қийин кечишини айтиб ўтди.
Аммо ҳаммаси майдонда ҳал бўлади. Кимда ғалабага бўлган иштиёқ ва руҳий тайёргарлик кучли бўлса, ғалабани ўша жамоа қўлга киритади. Албатта бу ғалаба “Насаф”ники бўлишини жуда ҳоҳлаймиз. Зеро, улар бунга ҳақлидирлар.
Осиё Чемпионлар лигаси-2016
2-тур. 2 март, чоршанба. Бошланиши 18:00да
“НАСАФ” (Ўзбекистон) – “АЛ-АҲЛИ” (Саудия Арабистони)
Бош ҳакам: Ма Нинг (Хитой)
Қанот ҳакамлари: Уанг Дексин (Хитой), Сергей Гришченко (Қирғизистон)
Тўртинчи ҳакам: Ханна Хаттаб (Сурия).
Ҳакамлар назоратчиси: Иноят Маъсуд (Эрон).
Учрашув комиссари: Чеунг Хин Чунг (Гонконг).
Келинг севимли “Насаф” жамомизга чин юракдан омад тилайлик, зафар тилайлик. Олға “Насаф”!
