«Манчестер Юнайтед» бош мураббийи Луи ван Гаал Англия чемпионати 27-турида «Арсенал»га қарши кечган ва жамоасининг 3:2 ҳисобидаги ғалабаси билан якунланган ўйинда тўртинчи ҳакам олдида йиқилгани ҳақида фикр билдирди.
«Мен масхарабоз эмасман. Менинг исмим Луи ван Гаал ва мен мураббий ҳамда инсонман.
Бундай йиқилишлар менинг фалсафамнинг бир қисми ҳисобланмайди. Бу ишим ўйин натижасига таъсир қилди, деб ўйламайман. Майдонда мураббий эмас, балки футболчилар ўйлаши керак", - дейди мураббий.
Эслатиб ўтамиз, у ўшанда «Арсенал» футболчиси симуляциясини ҳакамга такроран намойиш этиш учун йиқилиб берганди.
