Кеча Малайзия Суперлигасида навбатдаги – 4-тур учрашувлари бўлиб ўтди. Тур доирасида ҳамюртларимиз ўйнаётган жамоалар ўз учрашувларини ўтказишди.
Ҳамюртимиз Дилшод Шарофетдинов тўп сураётган “Т-Тим” жамоаси “ПДРМ”га қарши баҳс олиб борди. Анчагина қизиқарли тарзда кечган матч 1:1 ҳисобида якунланди. Ҳамюртимиз ўйинда тўлиқ 90 дақиқа ўйнади.
Яна бир ўзбекистонлик футболчи – Воҳид Шодиев ўйнаётган “Перак” клуби бу сафар ҳам дуранг ўйнади. “Пенанг”га қарши бўлган учрашувда 1:1 ҳисоби қайд этилди. Шодиев ўйинни бошланғич таркибда бошламади. У 60-дақиқада захирадан майдонга туширилди, лекин гол кирирта олмади.
Миллий терма жамоамиз аъзоси Лутфулла Тўраев ўйнаётган “Фелда Юнайтед” эса бу турда чемпионлик учун асосий даъвогар жамоа – “Жоҳор Дарул Таъзим” меҳмони бўлди. Жуда муросасиз руҳда ўтган матч “Жоҳор”нинг 2:1 ҳисобидаги ғалабаси билан тугади. Диққатга сазовор жиҳати шундаки, “Фелда Юнайтед” таркибида Лутфулла Тўраев ўйиннинг 29-дақиқасида рақиб дарвозасини ишғол этишга муваффақ бўлди. Бу маҳоратли ярим ҳимоячининг ушбу мавсумдаги иккинчи голи бўлди.
