Ҳамюртимиз Шоҳруҳ Гадоев фаолиятини Баҳрайн Премьер Лигаси вакили саналувчи “Муҳаррақ” клубида олиб бораётганини биласиз.
Баҳрайн Қирол кубоги ярим финал ўйинлари доирасида “Ал Нажма”дан омадли ўтган “Муҳаррақ” финал учрашувида азалий рақиби – “Ал Риффа”га қарши баҳс олиб борди. Жуда қизиқарли ва муросасиз руҳда ўтган матчда “Ал Муҳаррақ” 3:1 ҳисобида зафар қучди ва ўз тарихида 32-марта Баҳрайн Қирол кубоги соҳибига айланди.
Ҳамюртимиз Шоҳруҳ Гадоев учрашувни бошланғич таркибда бошлади ва жамоаси муваффақиятига муносиб ҳисса қўша олди.
Якунда Баҳрайннинг байроқдор жамоаси саналувчи “Муҳаррақ” 2016-йилги мавсумдаги илк совринини қўлга киритди.
