“Наполи” жамоаси ҳужумчиси Гонсало Игуаин ўз фаолиятини Германияда давом эттириши мумкин.
Маълумотларга қараганда, аргентиналик футболчининг хизматларига “Бавария”нинг бўлажак устози Карло Анчелотти катта қизиқиш билдирмоқда. Бироқ, унинг 94 млн еврога тенг товон пули мюнхенликларни бироз чўчитмоқда. Улар музокара олиб боришга тайёр.
Аввалроқ, “Манчестер Юнайтед” ҳам унга қизиқиш билдириб, Игуаин трансфери учун 80 млн евро ажратишга тайёрлиги хабар қилинганди.