Англиянинг “Ливерпуль” клуби Испаниядан футболчи сотиб олишни истамоқда. Бу ҳақда Marca нашри хабар бермоқда.
Манбанинг маълум қилишича, мерсисайдликлар “Барселона” академияси тарбияланувчиси Серхио Гомесга қизиқиш билдирмоқда. Хабарларга қараганда, Юрген Клопп 16 ёшли ҳужумчини сотиб олишга розилик берган. Ўз навбатида англияликлар форвардни сотиб олиш борасида таклиф билан чиқишган.
Яқин кунлар ичида томонлар келишувга эришишлари кутилмоқда.