“Бунёдкор” – “Нефтчи” учрашувидан кейинги матбуот анжуманида биринчи бўлиб фарғоналиклар устози иштирок этди.

- Асосий таркибни ва ўйин услубини танлашда хато қилдим. Балки бошқача тактика танлаганимизда натижа бундай бўлмасмиди... Футболда олдиндан ҳеч нимани айтиб бўлмайди. Кеча ўзимиз истагандек машғулот ўтказа олмадик. Ростини айтсам, бундай ажойиб майдонга мослашиб олиш учун бизга маълум вақт керак эди. Ўйинолдидан ташкил этиладиган 20 дақиқалик чигалёзди машқларибунга имкон бермайди. Бевосита ўйинга келадиган бўлсак, “Бунёдкор” тартибли ўйин намойиш қилди. Ўтказиб юборилган голда ҳимоячиларимизни айби бўлди. Дарвозабонимиз ўйинни ёмон ўтказди, деёлмайман. Футболнинг бу нуқтаси жуда нозик масала. Мен рости дарвозабонлар ишига аралаша олмайман. Бу борада уларнинг мураббийи бор. Шунинг учун ҳам қайси дарвозабонни асосий таркибга киритишни ушбу мутахассис ҳал қилгани маъқул. Мансур Саидов хизматидан кейинги учрашувларда фойдаланамиз. У жароҳатидан секин-аста фориғ бўляпти, - дейди Андрей Витальевич.