«Манчестер Юнайтед» ва «Бавария» клублари «Реал» ярим ҳимоячиси Хамес Родригесга қизиқиш билдиришмоқда.
Ёзда мюнхенликларни қабул қилиб оладиган Карло Анчелотти ўзининг собиқ шогирди билан яна бирга ишлашга тайёр.
Бундан ташқари, ёзда "МЮ"ни қабул қилиб олиши кутилаётган Жозе Моуриньонинг футболчилар рўйхатига Хамес ҳам киради.
Родригес ушбу мавсумда 21та ўйинда майдонга тушиб, 6та гол урди ва шунча голга ҳаммуаллифлик қилди.
Аввалроқ матбуотда ёзда Хамес ёки Иско «Реал»ни тарк этиши мумкинлиги ҳақида хабар тарқатилганди.