«Барселона» клуби «Ренн» ҳужумчиси Усмон Дембелега қизиқиш билдирмоқда.
"Кўк-анорранглилар" скаутлари 18 ёшли франциялик футболчининг ўйинини Франция чемпионатининг 29-тури доирасида «Нант»га қарши ўйинда (4:1) кузатишди. Ушбу ўйинда Усмон 3та гол уришга муваффақ бўлишди. Каталонияликлар Дембелени бир неча ҳафтадан бери кузатиб келишмоқда. Ҳозирча томонлар музокараларни бошлашмади.
Усмон Дембеле Франция чемпионатининг ушбу мавсумида 17та ўйинида майдонга тушиб, 9та гол урди ва битта голга узатма берди.