Футбол бўйича Афғонистон аёллар терма жамоасининг шариат қоидалари асосида тайёрланган либослари тақдим этилди. World Soccer нашрида хабар берилишича, эндиликда афғонистонлик аёл-қизлар учун ҳижоб кўринишидаги спорт кийимлари ишлаб чиқарилади.
Бундай спорт кийимлари Даниядаги спорт анжомлари ишлаб чиқариш билан шуғулланадиган корхона томонидан hummel бренди остида тақдим этилади.
"Биз афғонистонлик ҳамкорларимиз билан музокараларда бу халқнинг миллий анъаналари асосида спортчи аёллар учун либослар тайёрлаш бўйича келишувга эришдик", дейди бренд вакили Кристиан Стадил.
ФИФА 2014 йилнинг мартида ўйинлар вақтида мусулмон динига эътиқод қилувчи аёл спортчиларнинг ҳижоб кийишига рухсат берганди.
2014 йилгача ФИФА ҳомийлигидаги барча мусобақаларда ҳижоб кийган ҳолда иштирок этиш тақиқланганди (2007 йилда жорий этилган).
