Биринчи лига жамоалари аста-секин мавсумга тайёргарликка зўр беришмоқда.
Бухоронинг “Ғиждувон” жамоаси ҳам янги мавсумга ўз олдига жиддий мақсадларни қуймоқда. Шунга монанд равишда таркиб кучайтирилмоқда.
Бош мураббий Шерзод Сатторов бошчилигидаги жамоада асосан маҳаллий ёшлар машғулотларда иштирок этишмоқда. Жамоага янги қўшилган ўйинчилар бор. Булар аввалги мавсумда “Цементчи” таркибида майдонга тушган Баҳодир Йигиталиев ва Шердор Турановлардир. Улар янги мавсумни “Ғиждувон”да ўтказишлари аниқ бўлиб улгурди.
Жамоа куни кеча тиббий кўрикдан муваффақиятли ўтишди. Улар бугундан эътиборан Ўзбекистон кубоги 1/16 босқичида “Нурафшон”га қарши учрашувга тайёргарликни бошлаб юборишган.
