2-тур учрашувлари давом эттирилади. Олий лига дебютанти “Обод” жамоаси эртага ўз уйидаги дастлабки баҳсда “Бухоро”га қарши саф тортади. Учрашувдан аввал жамоа дарвозабони Дилшод Хамроевнинг учрашув ҳақидаги фикрлари билан қизиқдик:

-Эртанги учрашув ҳақида гапирадиган бўлсам, “Бухоро” жамоаси ўз олдига юксак мақсадларни қўйган клублардан бири хисобланади. Улар аввалги турда “Олмалиқ”ни мағлубиятга учратганларидан сўнг ўзларига бўлган ишонч юқорироқ эканлигини олхида таъкидлаб ўтмоқчиман. Биз ҳам эртанги баҳсга яхши тайёргарлик кўришга харакат қилдик. Эртага фақат ғалаба учун майдонга тушамиз.

-“Обод” жамоасидаги дебютим муваффавиятли чиқди дея айта олмайман. Сафарда “Қўқон-1912” жамоасига қарши бахсда имкониятни бой бердик. Дебют учрашувим бошида озгина хаяжонланиш кузатилди. Лекин учрашув бошлангач ҳаммаси ўтиб кетди.

-Жамоадаги ички муҳит аъло даражада! Йигитлар бир тан-у бир жон бўлиб ҳаракат қилишмоқда.

Комилжон Икромов сухбатлашди.