Хабарингиз бор, шу ойнинг 15-16 саналарида Осиё майдонларида қитъанинг клублар ўртасидаги энг нуфузли мусобақаси бўлмиш, Осиё Чемпионлар Лигаси гуруҳ босқичининг 3-тур учрашувлари старт олади.
16 март санасида Қаршининг “Насаф” жамоаси Қатар пойтахти Доҳада маҳаллий “Ал-Жайиш” жамоасига қарши майдонга тушади. Ушбу учрашувга Рўзиқул Бердиев шогирдлари каби қатарлик футболчилар ҳам пухта тайёргарлик кўришмоқда.
Қатар жамоаси Чоршанба оқшомида “Насаф”га қарши бўлиб ўтадиган муҳим учрашувга жуда катта эътибор қаратган холда тайёргарликларини бошлаб юборишди.
Сабри Лямуши жамоаси ушбу нуфузли турнирни аъло даражада бошлашди. Дастлабки икки турда ғалабани тантана қилган жамоа гуруҳдаги 3-учрашувда ҳам анъанани давом эттириш ниятида эканлигини жамоа машғулотларидан ҳам билиб олиш мумкин.
дея хабар беради Қатар Юлдузлар Лигаси расмий веб сайти.
