Малайзия Суперлигасида навбатдаги – 5-тур учрашувлари старт олгани ва ҳамюртимиз Лутфулла Тўраев фаолият олиб бораётган “Фелда Юнайтед” жамоаси “Паханг”га қарши баҳс олиб бориб, анчагина қизиқарли тарзда ўтган матчда икки тўп фарқи билан зафар қучгани ҳақида хабар берган эдик.

Тур доирасидан ўрин олган яна бир беллашувда икки ҳамюртимиз жамоалари ўзаро тўқнаш келди. Воҳид Шодиев ўйнаётган “Перак” бу турда Дилшод Шарофетдинов тўп сураётган “Т-Тим” билан баҳс олиб борди. Қизиқарли руҳда ўтган ўйинда 0:0 ҳисоби қайд этилди.

Ҳар икки ҳамюртимиз ҳам ўйинни илк дақиқаларданоқ майдонда бошлади. Шарофетдинов 90 дақиқа ўйнаган бўлса, Шодиев 69 дақиқа майдонда ҳаракат қилди.